【股市脈搏】復星旅遊短線阻力愈來愈大

【Now財經台】受美國同英國防疫措施帶挈，海外有唔少業務嘅復星旅遊文化(01992)近日表現強勁。復星旅遊上晝冇乜動靜，但下晝出現異動，最多升10%，高見14.68元，收市報14元，升逾5%。

復星旅遊文化主力經營度假村，疫情前歐洲、中東、非洲同美洲地區佔收入60%，全球旅遊業或會復甦，資金可能會先作部署，新開嘅長白山度假村有望延續冬奧的消費增長潛能。

復星旅遊今日已經6連升，累升40%，呢幾日持續有成交配合支持，不過，高位仍未收復2018年尾，由復國國際(00656)分拆出嚟上市價，即15.6元，14天RSI最新升到76嘅超買水平，短線阻力愈來愈大。