【Now財經台】食品股今日炒通脹、加價概念，美銀證券發報告，指康師傅控股(00322)旗下主要即食麵產品，喺農曆年後，出廠價會加超過10%，統一企業中國(00220)零售價都加咗12%，相信會跟康師傅加埋出廠價，係十年以來，內地即食麵行業首次加價，今次加價可唔可改善到實際毛利率，繼而提升業績？
獨立股評人李偉傑指，今次加價應該關同原材料價格上漲有關，但全行一齊加價係好事，既唔會改變消費者選擇，亦唔會大幅影響各品牌嘅市佔率。Jason指出，加價對股價有正面影響，毛利率亦有機會改善。
Jason又話，依家統一嘅毛利率高過康師傅，喺全行一齊加價、毛利率有所提升下，統一追上康師傅嘅動力會更大。
