【Now財經台】截至早上11時，1小時內《彭博》用戶關注度上升最多嘅港股依次為華虹半導體(01347)、合生創展(00754)、比亞迪股份(01211)、華潤置地(01109)及弘陽地產(01996)。
華虹半導體中午公布去年第四季業績，按指引計返，第四季毛利率應該會維持到27%至28%。不過，半日華虹最多跌超過10%，係咪反映有暗湧？
大華繼顯執行董事梁偉源指，華虹第四季業績會同指引相約，但大巿嘅氣氛較差，唔少公司盈喜後都遇沽壓，加上近期美國科技股沽壓大，出現不少技術性沽盤，導致華虹今朝跌穿38元水平。
