【專家分析】藥股連日被狂質因為...

【Now財經台】三大藍籌藥股已連跌第4日或以上，今日除咗石藥集團(01093)抗跌力較強外，藥明生物(02269)要再跌7%，股價直逼月初低位，中國生物製藥(01177)亦跌近3%，多隻B仔藥股齊創在港上市新低，唔同類型嘅藥股連日捱沽，「死因」係乜？

耀才證券研究部總監植耀輝指，內地蘊釀推出第七輪帶量採購，相關消息一定會對醫藥板塊有影響，因為藥價有機會大規模降價，加上今次第七輪帶量採購提及，預測降價幅度40%至50%，相關消息會對醫藥股不利。

至於B仔股，佢就話，因為呢啲公司嘅業務太專門，一般投資者其實唔太了解，一旦市況轉差，加上唔少B仔股已跌到好殘，投資者都寧願沽咗先。