【股市脈搏】搭遠東順風車要睇路

【Now財經台】噚日股價抽升逾倍後，突然中途停牌嘅遠東酒店實業(00037)今朝復牌，高開57%後，愈升愈有，一度升逾1.2倍，高見0.65今日成交急升，成交股數較過去100日同時段平均飆356倍。

公司噚晚公布，就荔枝角九華徑一帶嘅燒烤場用地及鄰近用地，向城規會申請發展住宅用地，目標建14座住宅大樓，但現時只係申請階段，仲未獲批，亦唔知細節及地皮限制，最終規模係咪可咁大都係未知數，申請要幾長時間都唔知，好多不明朗因素，加上集團本身專注酒店營運，缺乏發展大型住宅項目經驗，隨時要引入其他合作夥伴，仲要面對加息周期隨時展開，依家RSI已升到90樓上嘅極超買水平，投資者跟車追入要小心控制注碼風險。