【專家分析】解禁股來了！中教大鑊

【Now財經台】市場瘋傳一份不明來歷嘅文件，指國家教育部等官方機構早前約談多間教育公司。文件提到多項辣招，例如會禁止任何形式併購、禁止擴大辦學規模或頻繁調升學費等。

雖然唔知到消息真假，但呢兩日教育股板被狂質，唔少股份見錄雙位數跌幅，跌得最甘嘅中教控股(00839)兩日累跌逾40%，今日即市低位6.46元，差1仙就穿招股價6.45元。

英皇證券研究部總監陳錦興指，雖然中教主營內地教育政策支持嘅職業教育，但舊年盈利錄得高增長係靠併購。如果未來規管「加辣」，一定大大影響中教嘅盈利增長，值得留意係，公司舊年10月配售嘅股份已經解禁，唔排除有機構投資者見中教插水趁早散貨，令中教沽壓加劇。

Stanley坦言，板塊前景相當唔明朗，加上過往嘅高估值已大打折扣，即使依家市盈率(PE)只得單位數，因為冇利好因素，呢類股份唔值博。