【股市脈搏】跟炒奧星小心「黑色星期三」

【Now財經台】奧星生命科技(06118)噚晚發咗盈喜，預期舊年多賺超過7倍，雖然港股今日又冧過，但奧星打入升幅榜三甲，股份今朝大幅高開逾14%後，走勢平穏，但臨近中午買盤湧現，一度將股價推上3.15元，勁升逾35%，成交股數較過去100日同時段平均大增15倍。

不過，如果想跟盈喜炒都係要小心，因為奧星股權高度集中，更曾經被證監會點名，之前連續兩個星期三下晝都閃崩，今日咁啱炒咗上去，留意聽日會唔會又「悲劇重演」。