【股市脈搏】赤子城低位「抽水」守唔守到配股價？

【Now財經台】赤子城科技(09911)揀股價喺低位時配股集資，公司今朝開市前公布，以先舊後新方式向不少於6名獨立買方，配售逾9200萬股新股，每股3.8元，較上日收市價折讓近10%，集資約3.5億元，款項將用作提升遊戲業務變現能力及收購等。

呢批股份喺開市前已上板，赤子城今朝低開2%後，跌幅一度擴大至11%，低見3.75元，失守配股價。

睇返1分鐘即市圖，低位有買盤將股價掃返上去，最新上返配股價以上水平，暫時可守住4元關口。