【股市脈搏】中航科工唔好掂

【Now財經台】中港軍工概念股今日普遍受壓，其中，中航科工(02357)今朝平開後，逐步向下，午後仲愈跌愈多，一度跌逾7%，低見4.8元，成交股數較過去100日同時段平均增逾2倍。

雖然呢兩年軍工概念股時有炒作，但升勢其實已大不如前，中航科工股價舊年10月開始進入橫行區，一直炒緊約1元嘅波幅，持續咗幾個月。

睇返技術走勢，今日因為有同業被制裁，投資者借勢沽貨，今日一跌，打穿咗近期雙底，即5元水平，向下要睇實4.67元嘅橫行區底部，除非突然有外國資金打救，否則暫時都不宜沾手。