【Now財經台】睇返恒生綜合指數，噚日頭20大升幅股份之中，內房、物管股佔咗80%，其中合景悠活(03913)、寶龍商業(09909)仲錄得上市以嚟最大單日升幅。其實政策鬆綁憧憬，之前已喺內房債價率先反映，但噚日大市急升，個別內房債價只係持平，甚至回落，應該用咩指標衡量大市嘅強勢，仲可以維持幾耐？
華盛証券分析師聶振邦指，金融、科技股喺恒指嘅權重比內房股大，除非內房股繼續大升，先可以再推恒指上去，否則，短期焦點仍然落喺金融、大型科技股身上。
聶Sir又話，内房股過往都出現急升一兩日後，市場再焦點返相關負面消息，所以又再回調，因此，對内房股嘅睇法暫時傾向靠穩，唔好期望會大升。
