我的股票

    名稱 現價 升跌

    資料報價延遲十五分鐘

    【財經TOP SEARCH】阿爺「鬆手」真係救到內房?

    【分析】 2022/01/20 13:48

    【Now財經台】截至早上11點,1小時內《彭博》用戶關注度上升最多嘅港股,依次為中國奧園(03883)、瑞聲科技(02018)、美團(03690)、友邦保險(01299)、中國飛鶴(06186)。

    市傳內地放寬房企預售資金使用,今日內房、物管股大升,但奧園獨自憔悴,一度要跌近7%,相信同佢自爆債券唔還本息有關。奧園噚晚出通告指,唔會支付今年1月到期嘅幾份票據餘下金額同最後一期利息,變相提早宣布違約,集團又話,會透過唔同方案解決流動性問題,出售資產、引入戰略投資者都係可行方案,假如政策真係放寬房企預售資金使用,解決債務問題係咪唔難?

    圓通環球金融集團行政總裁曾永堅指,依家大家都等緊中央,以至地方政府嘅政策,可唔可以針對性解決內房流動性不足嘅問題,內房還唔到本金及利息,甚至要直接重組,其實呢啲市場預期之內,重點在於重組會點樣進行。佢又話,內房依家面對嘅問題係賣樓資金去唔到總部,所以政策重點在於放寬地方對資金回流總部嘅限制,咁樣先可以真正解決內房面對嘅問題。

    想睇更多財經消息