【Now財經台】嘉泓物流(02130)發盈喜，料去年純利大幅增長不少於45%，不過股價未見太興奮，最多升近4%，收市升幅得返約1%，收報9.54元。
公司前年10月以2.66元上市，以今日收市計，累計升幅接近2.6倍。根據今次份盈喜去計，現價市盈率(PE)超過30倍，仲貴過龍頭嘉里物流(00636)。今次公司發盈喜，但股價冇受大刺激，可能因為股價自上市以嚟升咗好多，估值唔平，公司上年第四季，與京東物流(02618)訂立國際物流服務協議，股價大幅炒上，不過股價最近三個月都喺區間上落，成交動力暫時未有突破跡象。
