【股市脈搏】睇實慕容控股股東減持成唔成到事

【Now財經台】慕容家居(01575)近日股價跌至0.11元近一年低位後，今朝開市前出通告，公布控股股東慕容資本計劃減持股份，出售不多於1.5億股，佔已發行股本15%，消息刺激股價裂口高開近15%後升幅擴大，最多曾抽升81%，暫時係升幅最大嘅港股，依家升幅收窄，暫時高見0.22元。

公司平日成交疏落，今日成交激增，成交量較過去100日同時段平均成交增加超過60倍，但成交金額只有200萬，雖然通告冇披露邊個接貨，但可能市場憧憬有實力投資者加入，今日股價可以大陽燭抽升，不過，投資者要留意後續公布，係咪真係成到事。