【Now財經台】日清食品(01475)股價今朝一度高見6.64元，衝上近10個月高位。集團內地產品會喺3月起加價，但睇返同類公司，其實日清已經加得較遲。日清嘅賣點係品牌嘅聲譽，相比速食龍頭中國旺旺(00151)、康師傅控股(00322)，日清有一定優勢，到底今次「遲來的加價」對日清嘅利好作用大唔大？
耀才證券研究部總監植耀輝指，市場對日清加價唔會太意外，因為速食類食品一定會加價，日清係迫於無奈。佢又話，方便麵成本不外乎麵粉、棕櫚油等，後者價格升幅大，所以當同業加價，其他公司多數都會跟加。
Stanley又話，一旦日清加價，毛利率、經營利潤嘅表現會更好，因此，大行對加價消息嘅睇法正面。
