【名家給力場】4隻半新股邊隻最穩陣？

【Now財經台】部分資金轉戰新股市場，包括商湯(00020)、百心安(02185)、聖諾醫藥(02257)及泉峰控股(02285)，雖然呢4隻半新股似乎都各自有「閉翳」之處，但中長線嚟講，邊隻可以睇高一線？

《香港股票財技密碼》作者梁杰文指，泉峰業務同創科實業(00669)相近，主打電動工具或戶外電力設備，雖然公司估值、市盈率(PE)，同創科比較有一定折讓，但喺呢4隻半新股之中，泉峰起碼唔似商湯咁，畀制裁風險拖住後腿，亦唔使擔心好似B仔股百心安、聖諾咁仲未有錢賺，因此，相比之下泉峰係比較穩陣。