【財經TOP SEARCH】華南城「後台」硬都唔好亂入

【Now財經台】截至早上11時，1小時内《彭博》用戶關注度上升最多的港股，依次為華南城(01668)、福萊特玻璃(06865)、中國華融(02799)、商湯(00020)及國泰航空(00293)。

華南城今朝公布，獲深圳國資委旗下附屬認購公司新股，每股作價0.57元，較前收市價折讓約17%，集資逾18億元，深圳國資委將成為大股東，華南城係咪從此一帆風順？

耀才證券研究部經理譚智樂指，市場有唔少呢類背景嘅公司，但唔代表佢哋會一帆風順，雖然華南城股價呈上升趨勢，但唔知可以維持幾耐，依家先追入有一定風險，佢唔建議冇貨又唔識解讀消息嘅投資者做任何部署。

Arnold又建議，華南城嘅止蝕定喺100天線，即0.61元，甚至配股價0.57元水平。