【Now財經台】恒生指數高開182點後，好快重上10天線，但23300點左右已有獲利壓力，上唔到20天線，其後更一度倒跌，截至今朝10點，恒指僅升約41點，報23234點。
恒指繼上周大跌800點後，雖然今個星期曾跌至年半低位，但之後終於止跌回穩，不過，保歷加通道已經係第4個星期沿住下軸運行，始終上唔返中軸，即20周線。
雖然恒指、藍籌股都冇乜睇頭，但恒生綜指裏面嘅華能國電(00902)、華潤電力(00836)、大唐發電(00991)、港華燃氣(01083)，今朝都創最少1年新高，都係值得炒嘅電力能源股。
