我的股票

    名稱 現價 升跌

    資料報價延遲十五分鐘

    【財經TOP SEARCH】中鋁、五礦挾高純粹盲炒?

    【分析】 2021/12/23 13:22

    【Now財經台】截至早上11點,1小時內《彭博》用戶關注度上升最多的港股,依次為中國鋁業(02600)、騰訊控股(00700)、五礦資源(01208)、華南城(01668)、建設銀行(00939)。

    兩隻內地資源股中鋁、五礦齊齊上榜,同中國稀土集團今日正式成立嘅消息有關,有分析指,中國稀土集團成立可以加強內地對金屬資源嘅議價能力,所以帶挈中鋁股價今朝最多升逾11%,係今朝表現最好成分股之一,呢單消息對中鋁股價嘅利好作用可以持續幾耐?

    大華繼顯執行董事梁偉源指,成立中國稀土集團令市場對中鋁業務重組、發展有憧憬,相信中鋁子公司都會受惠,但依家好難判斷對中鋁有幾大幫助,今朝市場只係搵相關股份去炒,同埋揀中鋁、五礦,雖然呢兩隻股份比同類或相關股升得較多,但暫時其實睇唔到呢個消息,對呢啲公司業務嘅實質影響,所以今次應該係炒作居多。

    梁偉源
    大華繼顯執行董事
    想睇更多財經消息