【股市脈搏】海昌海洋公園破頂要過疫情呢關？
【分析】 2021/12/22 17:54
【Now財經台】內地主題樂園經營商海昌海洋公園(02255)，近日簽咗戰略合作協議外，控股股東又多次增持，帶動股價連升兩日，海昌海洋公園今朝平開後，曾短暫倒跌，臨近中午突然發力，午後繼續有得升，尾市再挾多浸，最多升近11%，高見2.77元，收市升約10%，報2.76元，收復埋10天及20天線。
海昌海洋公園今日一彈，上返月初嘅增持價，依家股價同歷史高位2.9元，仲有約7%距離，後市要留意內地疫情持續反覆，新增57宗個案大部分喺西安，未知會唔會再度限制主題樂園營運。
想睇更多財經消息
