我的股票

    名稱 現價 升跌

    資料報價延遲十五分鐘

    【老樓講樓】聖誕盤YOHO Hub 新地「食尾糊」價量兼備

    【地產】 2021/12/24 10:00

    【now.com財經】年尾擂台躉元朗Yoho Hub搶焦點,其他開賣中新盤固然看它的銷情再作估量,其他未取售樓同意書的樓盤,當然想加入搶客戰也沒有辦法,老樓在過去的周日(12月19日)探過班,發展商當然信心十足,而一班靠佣金的地產代理,自然亦打醒十二分精神,取消聖誕休假,為2021年最後一盤搏殺搵錢。

    上周新鴻基地產(00016)公布了首批價和次批價單後,連日來收票反應良好,故銷情應該沒有太大問題,至於能否一Q清袋逾千個單位,便要看樓市購買力能否持續追捧,或者發展商「良心發現」,唔好加價加得太狼,嚇走哂買家,按過往新地推盤經驗,售價一定唔會平,至於加多少,就要看買家的承接能力了。

    過去一年,新地推出的樓盤包括屯門御海灣、天水圍Wetland Seasons Bay、沙田瓏珀山、及一批半新舊貨尾,套現冇400億,都有300億元,同佢有得揮為會德豐,至於新世界(00017)今年只有大圍柏傲莊較為矚目,但要重建拆卸個別座數,始終新地每年新盤重心,按過往銷售手法,由最初貴同區一成以上,最後貴原開價兩至三成甚至五成,看看連Wetland Season Bay都要賣到每呎2萬元,可知新地要量價兼備的「好勝」公司,老樓都替旗下兩條賣樓隊的老友記辛苦,又要賣得好價,又要量,相當唔容易。

    講起上個周日(19日),老樓適逢在長沙灣睇足球後,便搭投票日的免費地鐵往中環,雖然下午五時多,人龍較下午短咗啲,但見到大大小小的代理哥哥姐姐們,好落力在商場推銷,一家大小唔放過,情侶更加唔放過,連老樓一支公都由地鐵站出口到二樓商場,先後被十次查詢是否「睇樓」。

    剛好碰到代理周,一見到老樓即刻扮Friend,其他埋身的代理便即時「彈開」,代理周話:「老樓有冇興趣入番手?Yoho系最後一期,成個Project就完工,看這20年這裡樓價翻了9倍多,勝過其他區。」老細已經見佢地取消休假搏殺,一直打到過年前已收爐,老樓順口恭喜佢開單,因為早前替一客大手入貨,買了港島南區新盤。

    「嗰客等咗港島樓好耐,以前買屋要成億,年初便可以掃五間2,000萬貨,一開五,帶契我嗰個月爆埋數,看來大手客出山後,樓市肯定升過唔停。」不過話只係新盤係爆,二手冇咁爆,啲買家因為新盤有得搏兼付款有優惠,直搏率高,「老樓入番十零張票抽喇,」那有錢。

    劉兆昌
    資深傳媒人
    想睇更多財經消息

    相關股票