我的股票

    名稱 現價 升跌

    資料報價延遲十五分鐘

    【財經TOP SEARCH】Omicron炒起聯想?

    【分析】 2021/12/21 14:09

    【Now財經台】截至早上11時,1小時内《彭博》用戶關注度上升最多的港股依次為聯想集團(00992)、 萬科企業(02202)、旭輝控股集團(00884)、中國移動(00941)、寶龍地產(01238)。

    聯想近期冇乜特別消息,最近一單已經係10月,有報道指,電器品牌飛利浦喺美國提出指控,包括聯想、戴爾及海信等在內地生產嘅產品,違反反盜版條例,要禁止呢啲產品進口,但最終飛利浦敗訴。不過,呢單消息當時未有引起好大迴響,照計唔會依家先炒起股價,還是又炒公司可以受惠於疫情?

    英皇證券研究部總監陳錦興指,聯想今日關注度高,未必關上面提及嘅事件,反而有機會同出貨量數據有關,因為聯想Q3桌上電腦出貨量按季有得升,由於疫情反覆,喺經濟復甦下令桌上電腦需求比想像中好及穩定。佢又話,聯想係一隻主要炒基本面嘅股份,中期業績出爐後,投資者都憧憬Q3業績唔太差,帶動股價醖釀低位回升動力。

    陳錦興
    英皇證券研究部總監
    想睇更多財經消息