【股市脈搏】「毛髮」股可以一試？

【Now財經台】今日掛牌、主要做植髮嘅新股雍禾醫療(02279)，早段輕微潛水後，好快就調頭向上，一度較招股價15.8元高逾16%，見18.38元。

雍禾嘅「同業」訓修實業(01962)主要做假髮，但成交一向疏落。訓修喺2017年用1.65元上市，不過作為舊經濟股，股價長期潛水。公司今年初因疫情宣布唔派息，股價隨即向下，7月更下試上市低位0.397元。

訓修睇落同雍禾係同業，但前者係一隻輕工業股，毛利率同雍禾差一大截，而且雍禾是本月唯一一隻超購過百倍嘅新股，如果睇好「毛髮」股前景，相信雍禾較訓修更值博。