【專家分析】買海豐博賺價好過收息

【Now財經台】海豐國際(01308)中午出通告，指集團考慮派特別股息，其實滙豐證券上星期已經出報告，話海豐有機會派特別息，加上「區域全面經濟夥伴協定」(RCEP)明年正式生效，利好海豐擴版圖，目標價睇53元，海豐現價喺31元水平，業績前有冇條件再挑戰9月底嘅紀錄高位，即36元水平？

時富資產管理董事總經理姚浩然指，現時海豐手頭現金超過7億美元，負債約36億美元，即使派特別息，派息水平亦可能唔及其他航運公司。佢又認爲，運費明年仍可以企穩喺高位，除咗RCEP可以提升貿易量，未來1年新船隊供應唔多，亦有助運費企穩喺高位，只要運費明年持續高企，航運股仍有上望空間。