【股市脈搏】明源雲借增持效應衝50天線？
【分析】 2021/12/07 17:42
【Now財經台】過去一段時間持續受壓嘅內房、物管股顯著反彈，而同內房息息相關嘅明源雲(00909)今日亦由頭升到尾。
明源雲今日高開後，愈升愈有，一度升逾16%，高見22.3元，最終以接近全日高位收市，報22.15元，升逾15%，全日成交金額逾2.6億元。
今日明源雲股價由低位反彈，唔單止升穿主席昨日嘅增持價19.4元，更升穿10天線，即21.99元水平。值得留意係，明源雲曾經多次衝上50天線，即25.5元水平，之後都企唔穩，睇下今次嘅增持效應，可唔可以帶領明源雲再挑戰50天線。
想睇更多財經消息
