【Now財經台】由網易(09999)分拆嘅雲音樂(09899)噚日首掛「潛水」，今朝仲未浮返上水面，另一隻焦點新股，來港第二上市嘅微博(09898)將會喺下星期三掛牌，微博喺美股嘅14天RSI已落到23嘅嚴重超賣水平，股價今個星期已累跌近20%，微博下星期首掛「破發」機會大唔大？
華盛証券分析師聶振邦指，喺美國掛牌嘅中概股，不斷傳出利淡消息，最新係美國證交會強制要求呢啲公司交審計資料，但呢啲同行業發展前景，或公司基本面冇太大關係，佢又話，嚟香港上市嘅中概股無論大隻定細隻，上市初期表現都會差啲，因此，如果投資者入咗飛又抽中，上市初期必須注意風險，同埋要小心部署。
