【股市脈搏】高追華眾車載小心「炒車」

【Now財經台】華眾車載(06830)股價今朝一度高見5.09元，大升近16%，創2012年上市以來新高，之後升勢放緩。

華眾車載噚日收市後，正式被納入MSCI中國中國小型股指數，帶挈今日錄得過億元成交，股價又再借市場憧憬內地會出台氫能產業規劃炒上，但其實公司基本面未見有重大改變，14天RSI逼近80水平後，高位即刻有獲利盤出現，華眾車載燭身出現一條幾長嘅上影線，同時連續兩日升穿保歷加通道頂，不過，想跟風追入嘅投資者，就要做好大幅回調嘅準備。