【專家分析】阿里影業下份業績有錢賺？

【Now財經台】阿里巴巴(09988)今日受港股大冧，同埋市傳旗下支付寶收款碼，明年3月起唔可以經營收款夾擊，股價插穿130元。同系阿里影業(01060)噚晚出咗中期業績，除咗收入按年升逾46%，更重要係虧損係公司轉型以嚟最少，係咪反映業績已慢慢改善緊？

寶鉅證券董事及首席投資總監黃敏碩指，過去兩年電影業受疫情影響，票房唔係咁好，不過，隨著行業慢慢復甦，又唔受監管政策影響，估計阿里影業下季業績會有錢賺，呢方面嘅能見度好高。

Michael又話，電影《長津湖》票房大豐收，巿傳會拍續集，佢認為，無論阿里嘅投資比例幾多，投資者都會有正面憧憬，相信阿里影業下一份成績表會有好消息。