【名家給力場】帝國科技搶唔搶到「元宇宙」頭啖湯？

【Now財經台】帝國科技集團(00776)噚晚出通告再更新元宇宙進度，指正式展開Metasens元感應宇宙開發計劃，又話會邀請世界各地遊戲公司，以及有知識產權嘅公司，加入參與共建一個元宇宙生態系統，係咪因為份通告令投資者有憧憬空間，所以股價今日炒起咗？

《香港股票財技密碼》作者梁杰文指，構建一個元宇宙有關遊戲，同帝國科技業務有關聯，加上今次招攬核心管理團隊，有互聯網服務行銷公司及遊戲開發人員，無論手遊還是網上遊戲都有多年開發經驗，令人感覺成事機會更大。

但Mike話，元宇宙係一個遊戲開發計劃，其他公司亦密鑼緊鼓進行中，並唔係獨一無二，唔可以話完全冇競爭。