【Now財經台】雖然港股今日向下，但個別板塊今日表現唔差，晶片股係其中之一，多隻相關股逆市造好，中芯國際(00981)、華虹半導體(01347)、ASM太平洋(00522)都排喺科指成分股升幅榜前列位置，呢幾隻晶股之中，中芯近期有較多消息，上周出季績時，又公布咗一啲人事變動，市場係咪已經消化晒呢的消息？
華盛證券證券分析師聶振邦認為，市場已經消化咗呢啲消息，中芯股價10月初跌到21元水平，集團公布咗敏感消息後，仍可以企穩21元樓上，相信呢個水平有較大支持，預期股價會喺21至23元上落，風險亦偏低。
聶Sir又話，中芯管理層上任唔夠1年，對内部政策嘅主導性相對較小，所以中芯嘅行政方針應該同之前一樣，唔會有太大變化，亦未必對業務構成太大影響。
