【股市脈搏】奈雪的茶「浮水」唔使諗？
【分析】 2021/11/01 15:44
【Now財經台】奈雪的茶(02150)噚日收市後發盈警，預期第3季及全年業績都會「見紅」。奈雪的茶股價今朝低開逾3.5%，插穿10天線，其後跌幅一度擴大至逾9.4%，低見9.33元，其後股價續於低位上落，暫時連跌第4日，成交股較過去100日同時段平均縮減約15%。
雖然公司發盈警，但中信証券指，長遠仍睇好奈雪的茶紅利期仲未結束，維持目標價16元及「買入」評級不變。
奈雪的茶今年6月底以19.8元上市，首掛「潛水」潛到依家，今日又插穿10天線，向下壓力似乎唔細，後市要睇實9.1元水平支持力度有幾大。
想睇更多財經消息
