【股市脈搏】中教升幅「腰斬」衰盲炒？

【Now財經台】國務院周二晚發布政策文件，要求全國落實推動職業教育，鼓勵上市公司、行業龍頭企業搞職業教育，喺內地上市嘅教育股喺港股放假期間已升咗上去，今日港股復市，教育股即刻追升。

其中，中教控股(00839)今朝早高開逾14%後，唔夠5分鐘升幅擴大到逾29%，高見17.34元，衝上3個月高位，仲重返內地封殺教育股前嘅水平，一度收復100天及250天線，但喺高位沽壓唔細，之後升幅收窄到逾15%。

值得留意係，其實中教嘅職業教育業務只佔約20%，股價升幅收窄可能係投資者，睇返清楚公司嘅業務，所以職業教育佔比較重嘅中國東方教育(00667)及宇華教育(06169)，因為受惠程度更大，喺高位嘅回套壓力就細好多。