【股市脈搏】盈健醫療業績好原因係...

【Now財經台】盈健醫療(01419)上日公布全年業績，派息係上市以來最多嘅一次，消息刺激股價急升，高開超過14%，早段一度升近24%，高見1.45元，其後升幅放緩，最終收市1.25元，升6.8%。股價急升絜埋成交量，成交股數較過去100日同時段平均成交大增超過30倍。

公司全年業績咁好，主要係因為集團有份承做政府嘅疫苗接種外展計劃，亦有份提供病毒檢測服務，另外亦參與公私營合作計劃同大腸癌篩查計劃，令集團整體收益升44%至6.55億元。

雖然公司嘅未來業務有不確定因素，例如疫情逐步好轉，市場對新冠病毒相關服務嘅需求可能會逐步下降。不過公司預計，內地同香港將放寬跨境遊限制，加上政府研究緊打加強劑疫苗，呢方面嘅生意可能仲有得做。