【名家給力場】香港匯金救咗中證國際？

【Now財經台】中證國際(00943)以3年前買入3個物業發展項目嘅原價，出售物業發展項目予香港匯金，以解決財務負擔及發展保健及家庭用品業務，消息令股價今日大升，一度升逾61%。

《香港股票財技密碼》作者梁杰文話，香港匯金背後係國企，願意於艱難時候以成本價接手資產，否則公司可能面對破產或資金斷裂。

Mike又話，公司解決債務問題後，打算將資金投資做得唔理想嘅業務，而非派特別息回饋股東，市場未必會太憧憬前景，股價長遠未必彈得起。