我的股票

    名稱 現價 升跌

    資料報價延遲十五分鐘

    【名家給力場】本地銀行喺「南向通」輸在起跑線

    【分析】 2021/09/09 15:56

    【Now財經台】《信報》星期一引述消息指,中港跨境理財通可能最快喺「十‧一」國慶假期後首個星期一開通,估計最快聽日公布詳情。

    雖然中港尚未通關,但內地合作銀行可代替港澳銷售銀行,為合資格的內地投資者提供「南向通」投資戶口見證開戶服務,但港人要親身北上到當地銀行開設理財通專屬戶口。

    多間本地銀行已表示部署加大內地人手同網絡,例如滙豐控股(00005)話未來3至4年,計劃喺內地增加3000名財富管理人手,而現時已招募600人。

    而中資代表中國銀行(03988)深圳市分行同中銀香港(02388)嘅「代理見證開立內地個人銀行賬戶」服務,截至今年6月底已為港人開立超過13萬個內地帳戶。

    資深銀行家王浵世就認為,本地銀行不斷強調會喺內地增加人手,但忽略咗網點數量對招攬生意有幾重要。佢指,有香港業務嘅中資銀行就有網點多嘅優勢,但香港銀行喺內地有開店限制,唔加開實體營業點較難接觸潛在客戶同建立可靠嘅形象,佢預期有本地銀行最終可能選擇同內地銀行合作,以節省開店成本。

    想睇更多財經消息