我的股票

    名稱 現價 升跌

    資料報價延遲十五分鐘

    標籤: 分析02126

    【股市脈搏】藥明巨諾炒甩B概念

    【分析】 2021/09/06 17:14

    【Now財經台】醫療保健指數成份股中,藥明巨諾(02126)升幅最誇張,皆因旗下治療淋巴瘤的藥品獲藥監局批准上市,股價下午越升越有,帶動埋系內股份。

    股份今早高開1%,上午市升幅逐級上,下午再不斷刷新日高,當中有唔少北水盤。最後以全日高位22.8元收市,勁升28%。

    新藥商業化消息其實唔新。公司早於中期業績已預期,呢款名為「倍諾達」嘅CAR-T細胞免疫治療產品下半年會有批文並可推出市場。

    上星期五中午終於公布消息,該產品係中國首個獲批為1類生物製品嘅CAR-T產品,亦是全球第6款獲批。同時係內地唯一同時獲「重大新藥創制」專項、新藥優先審批資格及突破性治療藥物認定嘅藥品。

    隨著首款產品「倍諾達」可以商業化,意味公司將可以產生收入。雖然暫時未知產品可以帶嚟幾多收入同盈利貢獻,但中期蝕少咗,資金憧憬公司有錢賺甩「B」在望。

    股價今日成功收復50天線,距離招股價23.8元只係一步之遙,上望阻力100天線25元。

    想睇更多財經消息

    相關股票