我的股票

    名稱 現價 升跌

    資料報價延遲十五分鐘

    【息賺】高息內房股安全玩法

    【分析】 2021/09/06 16:46

    【Now財經台】過去1個月,市值1000億元以上、股息率超過5厘嘅股份多數係內房股,包括中國海外(00688)、碧桂園(02007)、華潤置地(01109)。潤地股價更跑贏一眾高息股,1個月內累升近30%。

    不過,中國恒大(03333)前車可鑒,市場一直憂慮其他內房公司嘅高槓桿比率會引發債務危機。收息一族要點揀?

    香港大學房地產及建設系客席副教授楊書健就認為,要買內房股嘅話,國企會比民企安全。例如榜上有名嘅中海外同潤地,「三條紅線」機制中皆屬於「綠燈」。

    而近排恒大股債大跌。上星期唔少恒大債跌至只有20蚊,最低25折已可以入場,債息高達11厘;而揸得到到期日,就賺埋票面價同買入價嘅差額。不過,Victor坦言公司債務問題未完,小股民不宜沾手。

    佢話投資者可考慮用啞鈴投資法,即部分本金博內房股嘅進取表現,另一部分本金買本地房託基金收息袋袋平安。

    想睇更多財經消息