【專家分析】金風繼續食住國策上

【Now財經台】電力設備股今日全線抽高，兩隻風電股中國高速傳動(00658)、金風科技(02208)一度爆升逾20%。

板塊消息面上，國家發改委噚日公布，支持節能減碳項目建設嘅預算約23億人仔。

耀才證券研究部總監植耀輝認為，其實呢筆預算唔算多，未必係風電板塊突然爆上嘅原因，更大可能係炒落後。

其中內地風機龍頭金風，中期收入按年跌8%，但毛利率大幅改善至27%，期內又多賺45%。

Stanley睇好金風股價會持續偏強，因為內地要喺限期內提升風力發電嘅佔比，相信設備需求會有可觀增長，而公司開始做埋下游發電業務，有多重概念穩住股價。