【財經TOP SEARCH】快手「逃生門」再打開！

【Now財經台】截至早上11時，1小時内《彭博》用戶關注度上升最多的港股依次為美團(03690)、醫渡科技(02158)、中國物流資產(01589)、心動公司(02400)及快手(01024)。

快手今日起被納入深港通嘅「港股通」名單，早段股價最多升逾11%，但之後縮得好快。快手由早前上市低位64.5元，反彈咗近45%至今日高位，但公司基本面無變，除咗係監管風眼，快手嘅直播業務增長仲放慢，今次係咪要博資金反彈，短線獲利？

英皇證券銷售部副總裁林建華指，喺64元左右入貨嘅話，依家已升逾30%，普通散戶喺70元水平已經沽咗，但公司嘅藝人有啲問題，唔知監管機構仲會有咩「花臣」打擊快手。