【財經TOP SEARCH】華融金控要等阿媽「救價」

【Now財經台】截至早上11點，1小時內《彭博》用戶關注度上升最多的港股，依次為華融國際金融控股(00993)、長城汽車(02333)、移卡(09923)、心動公司(02400)及中國鋁業(02600)。

今日復牌嘅華融金控中期虧損收窄至4.46億港元，而仲停緊牌嘅「阿媽」中國華融(02799)，繼舊年全年盈轉虧，勁蝕1029億人仔後，今年上半年純利按年跌24.6%至1.58億人仔。

雖然「阿仔」復牌後，股價一度急瀉逾30%，但復牌消息令市場憧憬華融債務危機暫告一段落，「阿媽」亦復牌在望。

安山資本資產管理部董事黃志陽都認為，華融危機終於現曙光，不過「阿仔」股價冇乜上升空間，因為公司要等「阿媽」嘅債務危機完結，「阿仔」先可以靠母公司搲到生意。