【股市脈搏】2686破阻力後頂唔頂得住？

【Now財經台】上星期出咗業績嘅亞美能源(02686)今早高開逾6%後，升幅一度化灰，但下午買盤湧現，股價一度衝上1.66元高位，大升逾10%，升上5年高位，成交亦配升勢，以成交量計，暫時已多過上星期五全日成交。

亞美能源自8月20日隨大跌市落到1元低位後，喺上星期五出業績前，開始有資金撈底，可能投資者見估值跌到咁平，想部署業績。

雖然亞美能源股價今日衝上5年高位，但估值仲係單位數，似乎比其他清潔能股更吸引。依家亞美能源喺1.4元水平有較大阻力，依家即使升穿咗，仍要留意破頂後會唔會出現回調，同埋守唔守得住1.4元呢個阻力。