【股市脈搏】雨潤盈喜有伏？有糊要食...

【Now財經台】雨潤食品(01068)上星期五發盈喜，聽日就會派成績表，股價今朝大幅抽高，更一度成為升幅榜No.1。雨潤股價今朝高開逾8%後，升幅一度擴大逾26%，高見1.06元，成交量比過去100日同時段平均大增20倍。雨潤依家已升穿所有移動平均線，同埋今年嘅下降趨勢線，14天相對强弱指數(RSI)上到73嘅超買水平。值得留意係，雨潤以往炒起，RSI都可以炒到80樓上，即係短線可能仲有得炒。

不過，雖然雨潤發盈喜睇落係好大驚喜，但其實主要係會計問題，加上基本面冇改善，過去年年起碼蝕10幾億，豬價又跌唔停，股價難言轉勢。