【股市脈搏】金川突爆上同一單Deal有關

【Now財經台】金川國際(02362)今朝高開近1%，之後走勢只係平穩，但去到下午1點左右，股價突然抽升，一度狂飆升逾90%，高見2元，係近3年半以來首度重上2元水平，成交顯著增加，成交股數較過去100日同時段平均大增41倍。

據《彭博》引述消息指，全球鋰電池龍頭寧德時代計劃以超過現時市價1.5倍，收購金川10%股權，但兩家公司暫時都未有回應。

金川股價今日上到2元遇阻，仲形成一支非常長嘅避雷針，14天RSI暫時處於65水平，仲未到嚴重超買水平，睇嚟股價仲有得升，投資者可以留意寧德時代同金川呢單交易有冇進一步消息。