【財經TOP SEARCH】唔好諗住華融復牌即彈

【Now財經台】截至早上11點，1小時內《彭博》用戶關注度上升最多的港股，依次為，中信股份(00267)、中國華融(02799)、萬洲國際(00288)、時代中國(01233)、盛京銀行(02066)。

據《彭博》引述消息人士指，中信牽頭嘅戰略投資者，將會向華融注資500億人仔，內地財政部亦計劃將持有嘅60%華融股權轉讓畀中信，估計最快下星期就會有公布。

安山資本資產管理部董事黃志陽指，中國開始拆緊債務計時炸彈，中信接手後點解決好重要，暫時都要等細節出嚟，但今次接手價平，所以中長線係有利中信。

至於華融方面，佢認為復牌機會高，但股價好大機會受壓，要等半年至1年重組後先有機會反彈。