【財經TOP SEARCH】業績股「同股唔同命」

【Now財經台】截至早上11時，1小時內《彭博》用戶關注度上升最多港股，依次為普拉達(01913)、禹洲地產(01628)、佳兆業集團(01638)、中國恒大(03333)及龍湖集團(00960)。

排榜首嘅Prada今日逆市升，股價一度急升逾20%，主要係中期業績扭虧為盈，但睇返另外幾隻業績股，例如ASM太平洋(00522)、百威亞太(01876)等，放榜後都要捱沽，點解同樣係業績股，「命運」完全唔同？

大華繼顯執行董事梁偉源指，今朝開市後，恒指愈跌愈多，資金都係避險為主，搵啲業績好嘅股份炒，Prada係其中一隻。Steven又話，Prada股價升到呢個水平，市盈率(PE)已經70、80倍，仍然係偏高，投資者要留意Prada下半年業績，係咪可以維持到高增長。