【股市脈搏】加科思殺落呢個位有買盤吸納

【Now財經台】畀控股股東減持嘅B仔股加科思(01167)，係今朝表現最差嘅恒指成分股。

加科思開市前有兩手大手上板，涉資逾6億元，股價今朝裂口低開近8%後，跌幅一度擴大至逾10%，低見20.6元，失守10天線之餘，更插穿配售價21.02元，但喺50天線，即21.1元水平有支持。

集團上市超過半年，一過半年禁售期就有股東趁高減持，市場反應負面都預咗，但跌到去減持價又有買盤吸納，要留意消化咗減持消息後，加科思股價可唔可以喘穩。