【股市脈搏】美佳音有個「腳頭好」保薦人

【Now財經台】美佳音控股(06939)股價今朝高開逾1.7%，約半個鐘後資金開始買入，午後一度升近12%，高見1.89元，主動買盤近60%。美佳音近期成交多返，今日成交股數暫時逾800萬股，較過去100日同時段平均增逾30%。

值得留意係，美佳音上市獨家保薦人民銀資本，近2年佢做獨家保薦上市嘅股份，上市至今累計都有得升，表現最強勢係赤子城科技(09911)，至今較招股價累升3倍，其次係嘉泓物流(02130)，累升近2倍，至於美佳音就累升逾40%，睇返近4個月上市嘅新股，表現只係僅次於時代天使(06699)，後市留意美佳音係咪可以持續強勢，複製赤子城、嘉泓升幅。