【專家分析】呢3類資源股唔好掂

【Now財經台】市場預期通脹會逐步升溫，紐油隔晚大升近3%，刺激油股今日大升，至於資源股近期大幅回調，江西銅業(00358)自5月中高位回落35%，中國鋁業(02600)、中國宏橋(01378)、洛陽鉬業(03993)同期都回套咗20%至30%，係咪可以趁機執平貨？

新城晉峰分析員莫灝楠指，資源股之中最大鑊係銅、鋁、鐵相關股，短線嚟講，沽壓仍會較大，因大宗商品及原材料價格升得太顛，搞到中央要出手，例如加商品交易所等按金，目的係遏制炒風。

Casper又話，中央依家直接開放國家儲備，變相下游企業向上游採購嘅原材料少咗，由於原材料價格跌咗，同銅、鋁、鐵業務相關嘅公司，短期嚟講，股份沽壓及業績都會受影響，Casper建議投資者暫時唔好沾手呢3類股份。