【名家給力場】「謎網股」隆成復牌「人踩人」

【Now財經台】「謎網股」隆成金融(01225)因捲入細價股風暴，喺2017年被證監會勒令停牌，由於公司已滿足到復牌條件，今日終於復牌，股價一度暴瀉逾55%，更成為半日跌幅最大港股。

《香港股票財技密碼》作者梁杰文指，本來復牌係一件好事，但隆成今日復牌急瀉，主要係股東想「止血」，怕公司之後又停牌，同埋擔心隆成嘅主業放貸生意，係咪可以為公司帶嚟增長。此外，隆成股東可能仍對股東投票權、管理層等，仲有好多疑問，但證監會又冇解釋清楚，今日復牌將事情複雜化。