【股市脈搏】「晶片業猛人」加盟買定宏光等升？

【Now財經台】宏光照明(06908)今早平開後升幅擴大，中午收市升到14%，一度高見8.55元並創新高。午後升幅維持超過10％。

嚟緊王寧國會擔任非執行董事，佢除咗係半導體行業工作逾40年，名下仲有過百項專利，又曾經出任華虹集團(01347)同中芯國際(00981)嘅首席執行官，所以市場十分睇好王寧國帶挈業務發展。公司今年不斷擴充同鞏固業務，一嚟用7600萬收購快速充電電池相關服務，二嚟同一間上市半導體集團訂立戰略合作協議，再宣布折讓18%配股研發充電產品，帶動股價連升6個月，累升14.4倍，成為十大升幅股份之一。今日除咗股值破頂，14天RSI仲衝上嚴重超買水平，後市就要留意王寧國加盟後有咩新搞作去推升股價。