我的股票

    名稱 現價 升跌

    資料報價延遲十五分鐘

    【專家分析】呢隻紡織股有自家品牌估值又唔貴

    【分析】 2021/06/17 17:55

    【Now財經台】紡織股呢排好多好消息,噚日魏穚紡織(02698)發盈喜,預期半年多賺逾2倍,上星期又有天虹紡織(02678)唔夠半年就搶閘出盈喜,只係截至5月底止,足足多舊年同期成倍,係咪代表上游紡織股整體都做得好好?

    艾德證券期貨聯席董事陳政深指,紡織行業表現的確唔錯,除咗魏穚少量電力業務有份帶動盈利,亦因為魏穚嘅銷售價量齊升,反映市場已回復購買力。揀股方面,Ryan又話,下星期出業績嘅南旋控股(01982)可以睇高一線,因為有別其他紡織股,公司有自家品牌,加上估值唔貴,依家仍然喺一個正常水平。

    紡織業環環相扣,下游傳送購買力畀上游,上游成本壓力就轉嫁畀下游,繼而提升整體紡織板塊表現,加上魏穚紡織話自己嘅半年會賺多2倍,令估值爆升,反映板塊表現良好。

    想睇更多財經消息